Мэдээ, мэдээлэл

Барилгын салбарын зах зээл төвлөрөх “Барилга-2016” Медиа экспо болно

Pic

Иргэд өөрийн биеэр очиж, цаг мөнгөө үрэх шаардлагагүй зөвхөн цэнхэр дэлгэц, хэвлэмэл сонин, онлайн ертөнцөөр дамжуулан сонголт хийдэг тогтолцоо бий болжээ.

Хэвлэл мэдээллийн хамгийн хүртээмжтэй хэрэгсэл ашиглан сурталчилгаа зорилтот хэрэглэгчдэд хүргэх, үл хөдлөх хөрөнгийн мэдээллийг сүлжээнд нэгтгэн “Үл хөдлөх хөрөнгө”-ийн медиа экспог Монголдоо анх удаа амжилттай зохион байгуулсан “Монголын медиа корпорац” энэ удаад барилгын салбарын зах зээлийг бүхэлд нь нэгтгэн цогц мэдээллийг хүргэх “Барилга-2016” хэвлэл мэдээллийн хэрэгсэлд суурилсан медиа экспог зохион байгуулах гэж байна.

Тус экспо хоёр сая хүнд хүртээмжтэй “Ийгл ньюс” телевиз, “Ийгл.мн” мэдээллийн сайт, “Ардын эрх” сонин, “Үндэстний тойм” сэтгүүл, ФМ 91.1, +21 орон нутгийн сүлжээ болон сошиал сувгаар улс орон даяар өрнөнө

Манай улсад барилгын зураг төслийн, барилгын материалын худалдаа, барилгын материалын үйлдвэрлэгч, гүйцэтгэгч зэрэг барилгын салбарт нийт 1289 аж ахуйн нэгж үйл ажиллагаа явуулж байна. “Барилга-2016” медиа експод оролцсоноор өөрийн салбарын бусад байгуулагаас ялгарах боломж бүрдэнэ. Тус яармаг  орон сууцтай болох хүсэлтэй 200 мянга гаруй иргэнд барилгын компаниудын үйл ажиллагааг сурталчлах, 200 гаруй орон сууцны төслүүдийг танилцуулах, тэдгээрийн мэдээллийг түгээх юм.

“Барилга-2016” медиа экспог ирэх сарын 1-нээс арваннэгдүгээр сарын 1-ний өдөр  хүртэл зохионо. Тус экспо хоёр сая хүнд хүртээмжтэй “Ийгл ньюс” телевиз, “Ийгл.мн” мэдээллийн сайт, “Ардын эрх” сонин, “Үндэстний тойм” сэтгүүл, ФМ 91.1, +21 орон нутгийн сүлжээ болон сошиал сувгаар улс орон даяар өрнөх юм.

Барилгын салбарын зах зээл төвлөрөх “Барилга-2016” Медиа экспо болно

Энэ хүрээнд “Ийгл Ньюс” телевиз “Үл хөдлөх хөрөнгийн тусгай хөтөлбөр”-өөр өдөрт дөрвөн удаа мэдээлэл хүргэх ба тус телевизийн “Мэдээллийн хөтөлбөр”-т зочноор оролцох, бусад контентийг нийлүүлэх боломжтой. “Ардын эрх” сонин, “Үндэстний тойм” сэтгүүлийн “Барилга-2016”  тусгай нүүр, буланд бизнес эрхлэгч, ханган нийлүүлэгчдийн борлуулах барилгын зах зээлтэй холбоотой мэдээллийг нэг сарын турш хүргэнэ. “Ийгл.мн” сайтад мэдээ, сурвалжлага, ярилцлага, хөдөлгөөнт инфографик, баннер зэргийг цогцоор байршуулахаас гадна фэйсбүүк, твиттер, юү-түб  зэрэг сошиол сувгуудаар 150 мянга гаруй хэрэглэгчид нэгэн зэрэг мэдээлэл түгээнэ.

Нэг сарын турш үргэлжлэх тус яармагийн үеэр барилгын салбартай холбоотой бүх мэдээллийг www.mediaexpo.mn цахим хаягт төвлөрүүлнэ.

Эрэлт нийлүүлэлтийн нөхцөл байдлаас шалтгаалан барилгын салбарыг дэмжих, орон сууцтай болох хүсэлтэй иргэн, бүтээгдэхүүнээ борлуулах хүсалтай барилгын компанийн хооронд “Монголын Медиа Корпорац”-ын “Барилга-2016” медиа экспо гүүр болно.